لاہور کالج برائے خواتین یونیورسٹی لاہور کی شعبہ ماس کمیونیکیشن کی طالبات کا لاہور پریس کلب کا دورہ
لاہور کالج برائے خواتین یونیورسٹی لاہورکے شعبہ ماس کمیونیکیشن کی طالبات کے ایک گروپ نے گذشتہ روز لاہور پریس کلب کا دورہ کیاجنھیں سینئرصحافی تمثیلہ چشتی کی قیادت میں لاہور پریس کلب کے مختلف شعبوں کا دورہ کرایاگیا۔ صدر لاہورپریس کلب ارشد انصاری نے طالبات کے گروپ کو جرنلزم کے حوالے سے لیکچردیتے ہوئے انھیں جدید صحافت اور الیکٹرانک میڈیاکے تقاضوں سے ہم آہنگ نصابی کورس کو اپ ڈیٹ کرنے کی اہمیت اورضرورت پر زوردیا۔اس دوران طالبات کی جانب سے ملکی و بین الاقوامی صورتحال میں میڈیاکی اہمیت کے حوالے سے مختلف سوالات کئے گئے جن کے صدر نے سیرحاصل جوابات دیئے۔فوٹوگرافرزروم میں سینئرفوٹوجرنلسٹ پرویز الطاف اور ممبرگورننگ باڈی عمران شیخ نے طالبات کو نیوزفوٹوگرافی کے حوالے سے لیکچردیتے ہوئے انھیں نیوزفوٹوکی اہمیت سے آگاہ کیا۔ دورہ کے اختتام پرلاہورپریس کلب کی جانب سے طالبات کے گروپ کی چائے ودیگر لوازمات سے تواضع کی گئی
322
