حکومت پنجاب نے سردیوں کی چھٹیوں میں اضافہ کردیا
صوبے کے تمام سکولوں میں یکم جنوری سے 9 جنوری تک موسم سرما کی تعطیلات ہوں گی
لاہور، حکومت پنجاب نے سردیوں کی چھٹیوں میں اضافہ کردیا گیا، سردی کی شدت میں اضافہ کے باعث پنجاب بھر کے اسکولوں میں موسم سرما کی تعطیلات میں توسیع کی گئی ہے۔ تفصیلات کے مطابق پنجاب کے نگران وزیراعلیٰ محسن نقوی کی صدارت میں صوبائی کابینہ کا اجلاس ہوا، جس میں سکولوں میں موسم سرما کی چھٹیوں میں توسیع کا فیصلہ کیا گیا، محکمہ تعلیم نے کہا ہے کہ صوبے کے تمام اسکولوں میں یکم جنوری سے 9 جنوری تک موسم سرما کی اضافی تعطیلات ہوں گی، اس ضمن میں تمام اداروں کو ہدایت کی جاتی ہے کہ وہ موسم سرما کی تعطیلات سے متعلق عمل کریں اور 10جنوری سے تدریسی عمل کا دوبارہ آغاز کریں۔
ادھر محکمہ لٹریسی اینڈ نان فارمل ایجوکیشن نے غیر رسمی سکولوں میں موسم سرما کی چھٹیوں کا اعلان کردیا ہے، اس ضمن میں جاری نوٹی فکیشن سے پتا چلا ہے کہ ان تعلیمی اداروں میں چھٹیاں یکم جنوری سے شروع ہوں گی اور 10جنوری تک جاری رہیں گی۔
302
